على اي اساس يختار مساحه المسكن

مبدايا فيه عده محاور يجب التفكير فيها  عند الرغبه في شراء مسكن

ا- الثمن

لابد من عمل ميزانيه مناسبه لظروف المشتري قبل الشراء و يحدد فيها بعض نقاط مثل

الثمن الكلي لو الدفع كاش

الثمن المقدم لو هيقسط و قيمه القسط و نوع القسط ربع سنوي او نصف سنوي او سنوي

ب- التشطيب

نوع التشطيب المطلوب

هل تشطيب كامل ام نصف تشطيب ام تشطيب و استعداد لتجديد مطبخ و حمام مثلا او على المحاره او طوب احمر

عند حسم النقطتين الاوائل

نيجي بقى لفهم خاطيء بيطرح كثيرا ان لازم الشقه تبقى فوق ال 100 متر علشان تبقى حلوه و مريحه و تاخد الفرش كويس

و ده شيء عاري تماما من الصحه

 فيه شقق تصل ل 50-60 م و معقوله لان الفرش اللي فيها مناسب للحياه القائمه فيها و احيانا بتبقى حجره وصاله -استوديو – وبتكون مناسبه لطبيعه الحياه لاصحابها

لان طريقه فرش المكان و عدد الافراد و طبيعه الافراد تفرق كتير جدا في السكن

يعني شاب هيعيش في شقه غير اسره جديده غير اسره كبيره مكونه من8 افراد غير اسره عاديه 4-5 افراد  او ام او سيده كبيره في السن هتعيش وحدها

بس خلينا في الحاله الارجح و هي اسره جديده

مبدايا طريقه تصميم  تبقى مريحه للشخص اللي ناوي يشتري و يحس فيها براحه نفسيه ولا ينقبض عند دخولها

قدر المستطاع تكون اركان الحجرات النوم مستقيمه و ليس بها استدارت كثيره  على الاقل 2 ركن كبار منها يكونوا مستقيمين

متوسط مساحه الغرف يتراوح بين 9.5 الى ما شاء الله

بس تقريبا في مصربيبقى  20 م تقريبا

و بتفرق طبعا لو ملكيه خاصه غير استثماري غير مقاولات يعني كل حاجه و ليها مقاساتها

لازم تشوفي انتوا هتجيبوا الفرش ايه

يعني الرسيبشن 4 قطع ثلاثه اثنين اوحده

لان لو جبتي فرش كتير و المكان ضيق هتضايقي جدا انك مش عارفه تحطي حاجتك وهيبقى شكلها مش حلو و لو العكس الفرش قليل و المكان كبير هيبهت الحاجه و تبان صغيره في الفراغ الكبير عليها

و كذلك في عدد الحجرات  الشقه حجرتين فقط هتبقى حجره اطفال و حجره رئيسيه

لو ثلاث حجرات هتضيفي ليفينج

اربعه هتضيفي حجره لعب اطفال

 خمسه تضيفي حجره للمكتب

سته يبقى حجره للضيوف و هكذا بحيث ميبقاش فيه اماكن مبهمه او مغلقه

او2 معيشه مثلا او كده

و تختلف الاولويات طبعا من فرد لاخر

المهم انكوا انتم الزوجين اقدر الناس على تحديد انسب مساحه تناسب اسرتكم

و لو حد محتار يراسلني و انا هرد عليه علطول ان شاء الله