لو عايز اعرف مقاسات في الشقه و معيش وحده قياس اعمل ايه؟
طبعا هو يفضل لو يبقى معاك متر 5 م لو هتاخد مقاسات للحجرات و يبقى متر 10 م لو هترفع مقاسات صاله او طرقه او كده
بس فرضا ان مفيش وحده قياس و الارقام اللي بيقولها اللي بيفرجك مش واقعيه مع اللي انت شايفه تعمل ايه
1- لو الشقه متشطبه يعني فيها سيراميك او بلاط او باركيه او اي حاجه في الارض المهم
بتعد عدد البلاطات طول في عرض يعني مثلا عديت و هي بلاطه مربعه ولاقيتها 10* 10بلاطه و البلاطه مقاسها40* 40 يبقى انت في حجره 4*4 م
2-لو الشقه مش متشطبه
يا ايما تقيس بالخطوه يعني تمشي المسافه اللي عايز تقيسها بالخطوه و تضربها في عدد خطواتك و تقيس مقاس خطوتك كام
يعني الطرقه مثلا 20 خطوه و مقاس خطوتك 40 سم يبقى الطرقه 8 كتر
الخطوه *مقاس الخطوه =المسافه المطلوبه
او يبقى معاك حاجه زي مثلا سلك سماعه الموبايل او حزام او حزام شنطه او سلك كهرباء و تمتر بيه يعني تلاقي الضلع في الحجره 5 مرات طول الحزام و الحزام طوله 80 سم يبقى طول الحجره 4 متر
او لو عينك مدربه على المقاسات ممكن تاخدها بالنسبه للباب يعني الحائط=الباب+ 2مره اد الباب
و الباب عرضه 1 متر يبقى الحائط ده عرضه 3 متر
بس ااسهل يعني خد معاك متر
رد واحد على “لو عايز اعرف مقاسات في الشقه و معيش وحده قياس اعمل ايه؟”
I simply want to say I am just all new to blogging and really savored you’re website. More than likely I’m going to bookmark your site . You really come with fabulous writings. Appreciate it for sharing your website.
أضف تعليق