معايير عامه عند اختيار المسكن


لو لسه بتتفرج

لازم تاخد بالك من بعض النقاط

التهويه

ان المسكن يكون بيدخله شمس و هوا كويس و ان جميع الغرف للسكن و غرف النوم تصل اليها الشمس و الهواء العليل و حتى لو كان منور خدمه او منور سكني

المطل

يكون المطل مناسب لذوقك الشخصي و مريح لك افتح جميع الشبابيك و بص منها لان فيه شبابيك بتبى في حيطه سد او في منور اتاكد افضل

المساحه مناسبه لمتطلباتك

مناسبه المساحات للفرش

يراعى مساحه المطبخ و الحمام  لتناسب الفرش المطلوب فيها و خاصا المطبخ يسع الحوض و الثلاجه و الغساله ان امكن ان لم يكن لها فراغ مناسب في الحمام

عرض الطرقه يناسب مرور الاثاث منها و هو على الاقل 90 سم و لا يكون طويل و رفيع ميكونش شبه النفق كل ما الطرقه تطول بتعرض شويه

لو الشقه لسه تحت التشطيب

  1. تكون الحوائط القائمه عدله و الاركان متعامده و ده بانك بتبص على الحائط من بعيد او بيبقى فيه مع العمال زاويه خشب  ممكن تحطها عند الاركان اللي شاكك فيها و تتاكد انها  متعامده لتفادي مشاكل التبليط و تركيب السيراميك بشكل جيد خاصا لو في المدخل او الاستقبال

  2. يكون فيه خراطيم الكهرباء في السقف و باينه و انت بتتفرج  و راكبه علشان متتكلفش مصاريف اضافيه بزرعها في الحوائط و تكسر و شغلانه و يبقى شكل التشطيب النهائي للحوائط حلو

  3. تكون الحوائط الفرعيه ثابته و عدله و تجرب تزقها  تتكد من صلابتها و تبص على الوصل بينها و بين السقف تكون متثبته كويس و معمول خوابير ماسكاها في السقف بثبات

  4. يكون ارضيه الحمام فيها هبوط  15-20سم ليستوى المستوى بالكامل مع الشقه بعد تركيب الانابيب و التبليط ولو فيه  صرف في المطبخ في الارضيه و اردت عزله بردو بيكون فيه نفس الهبوط

  5. يكون فيه عزل -لونه اسود  مقطرن في ارضيه الحمام

  6. تكون حلوق الباب و الشباك عدله قدر الاماكن ده هيفاديك مصاريف اعدال للحوائط و الحلوق

  7. البلاكونات ويكون السور بتاعها ثابت جيدا جرب تضغط بايدك تتاكد انه متثبت كويس

لو بتشتري بقى

اضافه الى النقاط السابقه 

بتراجع العقود المطروحه ليك جيدا و تراجعها مع محاميك الخاص للتاكد من البنود و ضمان حقك

لا تترك عربون الا باخذ ايصال او ما يثبت انك دفعت فلوس للمكان ده

لو فيه امكانيه بتسال على الشركه و تكون مؤسسه من فتره و الافضل لو ان ده مش اول مشروع ليها

و تعرف محل عمل الشركه ايجار ولا تمليك و لو شاكك اوي بتطلب الاطلاع على السجل التجاري لو امكن

بتسال على التصريح الخاص بالقطعه لو هي ارض مش مشروع الخاصه بالمياه و الكهرباء لضمان دخول الخدمه 

كم من عمارات عامره باهلها بس لا فيها مياه ولا فيها كهرباء

و لو في مكان زي اسكندريه بتشوف ورق الترخيص بالبناء او بالعقد المرفوع في المحكمه من قبل المالك لان هناك المخالفات في المباني كثيره جدا و اللجوء لهدم المخالف كثير جدا بردو

و ربنا يبارك للجميع و يوفق ان شاء الله