ازاي اختار لونين على بعض لو دهنت اواختارت السيراميك اختار باقي الالوان ازاي؟


ناس كتير لما تيجي تختار الوان شقتها او محل السكن او المكتب

بتبقى محتاره جدا في موضوع الالوان ده و اليق الحاجه على بعض ازايي

فيه كذا طريقه لو لسه هتلون من الاول

1 انك بتختار الوان معينه و تمشيها في كل الشقه و هتبقى لايقه على بعض زي الكافيهات و الزيتي مثلا و دي بتبقى سهله اوي لان اللونين موجودين  بسهوله في الفرش و الالوان و النقشات

2- انك بتقسم الشقه مثلا لو الشقه استقبال و3 غرف نوم و 2 حمام و مطبخ

بنعمل االصالون و الاستقبال الوان معينه و الحجرات بتبقى بالوان تانيه يعني مثلا الرسيبشن  بيج و نبيتي و دهبي -خاصا لو الفرش فيه مدهب- و الحجرات بتبقى النوم الوان مختاره تبعا لذوق الشخص اللي فيها يعني لو بنت بيبقى على الارجح درجات البامبي و الموف و لو ولد بيبقى احمر او بيستاج و الحمام الضيوف بيبقى تبع الوان الصاله و الحمام الاخر بيبقى تبع الوان حجره النوم

الموضوع بيبقى اسهل للناس اللي بيحبوا الالوان الكلاسيكيه لانها اسهل و الواحد متعود عليها و العين متعوده عليها

الا ان الالوان دلوقتي بقت دارجه اكثر حتى الشاذ منها زي  الفوشيا و الاسود  الخ

فيه مشكله بقى ان فيه حد يقولك ايه انا عايز الشقه بتاعتي يبقى لونها موف بس مش متخيل هيجيب كل حاجه لونها ايه اصلا و لده بقى بنقول ان الاسهل انه يختار من دائره الالوان علان يشوف اههي اليق الوان مع اللون اللي هو عايزه يعني لو اخدنا مثال الموف 

تعالى نبص على دائه اللوان هنلاقي ان اكثر الاوان اليق عليه اللون المقابل ليه على

دائره اللون

درجه البيستاج الخفيفه و دي مثلا علشان اللونين بارد و سخن لو عملتي الكنبه لونها موف مثلا يبقى التكاوي اللي عليهاا لونها اخضر ليموني

او عملتي حائط درجه لون موف فاتح يبقى الحائط اللي جنبه لونه اخضر ليموني او بيستاج هيبقى شيك جدا

و فيه حاجه اسمها مساحه اللون

علشان نفهم الموضوع ده اوي بصي على الورده و جمالها على ان الورده الوانها -احمر-اخضر-بني-لون التربه

الا ان كل لون ليه نسبه و ده اللي مدي جملها و شياكتها

يعني مثلا مينفعش اعمل الحائط مثلا لونه اخضر و الكنب لونه اصفر الا لو في حضانه لان اللونين لازم يبقى بينهم مساحه متناسبه في اللون و ده اللي بيدي الشياكه  انما لو كنبه لونها اخضر احط عليها تكاوي صفراء تبقى جميله

او لو تفضلي الكوكتيل كل كرسي لون

طبعا لو عايزه تدخلي اكثر من  الوان يعني مثلا اختارنا اللون البيستاج و الموف و عايزه تطعمي بلون كمان لو اللون على مساحه كبيره يفضل يبقى درجه فاتحه و يبقى لو حيادي زي البيج و الابيض و الدرجات الخيفيه دي

لو عايزه يبقى نقطه بصر زي الفازه مثلا او التابلوه و يكون حاجه مساحتها اللونيه صغيره بتختاري لون اقوى شويه بس بردو لو حيادي يعني العسلي او الكريمي او تختاري حاجه  لونها اصيل او نقستها اصيله زي نقشات الخشب و الجلد بتكون هي محل النظر لان شكلها طبيعي و حقيق

انما اختيار الستائر و الاكسسوار و السجاد ده امر مختلف

دي لواحق يعني بعد لما بنختار الوان الحوائط و العفش و الارضيات

نجي بقى الستائر و السجاد و الاكسسورات المختلفه و هي بتبقى تابع في اللون و الشكل و الموديل اذا كان كلاسيك او مودرن لون واحد او لونين برقع عادي ولا برقع سجع يعني بتبقى واخده من الوان العفش و الحوائط و هي اللي بتنور و تظهر المكان جدا 

انما اختيار الوانها بيبقى تابع لالوان الحوائط و الفرش